Posted in MOTIVATION

4 istri (eppa bene) VERSI BUGIS

4 istri (eppa bene) 

Engka sewa wettu engka padangkang sogi mappunai 4 bene.bene paling napojie iyanaritu bene paccapureng bene paling malolo namakajja tappana ibandingka benena laingnge.

Tapi iye aronewe napoji to bene ketelluna nasaba makessing to tappana pada bene paccapureng,iyeko laoi jokka de’ nallupai bawai bene ketelluna sibawa napasissengi okko tau egae.Tapi taling maselengti iyeko sewawettu iye bene ketelluna engka  arone laingnge napoji.Makkotoparo pappojinna okko bene keduana nasaba iye bene keduana sibawangngi kongka masalah.

Mappada bene pabbunge’e ,tali napattujui okko laleng malemmpue,iye bene pabbunge’e matoroi doina sibawa dangkanna.

Tapi iye padangkangnge denapoji ladde’i bene pabbungenna mappada tellu benena laingnge tapi bene pabbungenna maka loppo pappojinna okko alena.Engka seddi esso iye padangkang sogie nakennai lasa nappa mette laleng atinna”engka 4 beneku  tapi komateka denagaga sibawakka”

BENE KEEPPA : DENAMELO

Nseddingngui alena meloni mate naolli manengngi benena nappa makkutana okko bene keppana.”ikona beneku paling upoji,walleangko baju makanja sibawa ulaweng .makkokoe melona mate melokoga sibawakka ?” mammekko mi benena nappa mette teaka! Balinna bene keppana nappa madde bawang.Mappada sedding iyeko engka piso cecca – cecca I atinna mangkalingai pappibalinna adanna bene keeppana.

BENE KETELLU : BOTTISI PAIMENG

Massinyawana iye tau sogie nappa makkutana okko bene ketelluna”makato loppo pappjiku okko idi nri,makkokoe melona mate dega tamello lao sibawa iya ?” nabali benena “makaje kanja atuongenge okko linoe iyeko mateko bottisa paimeng.”mappada iyeko nakennai buttu loppo tangesso mangkalingai pappebali adanna benena.masemme nasedding alena mangkalingai pappebalinna benena.

BENE KEDUAE : LETTU KIBBURU

Nappa nolli I bene keduana”okkoma idi laoka maccarita kongka masalaku nappa tali tatolongka kongka masalaku.iye makkokoe parellu laddekka tatolong iyeko mateka melogi lao sibawa iya ?” Nappa metti benena taddampengika diwulle tolongki wattara mokkitu lettu kibburue.

BENE PABBUNGE : SETIA OKKO LAKKAINNA

Iye padangkangnge  puppuni ssemanga na,nappa mettemani bene pabbungenna makkada “ iyapa sibawakki konrikonriki melolao,de usalaiki.”Nappa gilinni mitai bene pabbungenna makadoko,nasesse alena iye padangkangnge nappa mette laleng atinna”seandaina urawa madecengngi riwettuku magala,de utitaiki madoko,beneku”

IYERO AKKTUONGENGE ENGKA 4 BENE

Bene nomoro eppa iyanaritu WATAKKALE

Siaga ettana sibawa siaga eganna doi icappuri supaya iyewatakkale makessingi nita taue iyaregamagarettai iyako kallolo ko anadara macanti’i.Sininnna iyero tappa magaretta’e engka sew wetto matu namancaji matoa nappa degage garetta iyako tullaona mangolo okko RipuangngataAllah.

Bene nomoro tellu iyanaritu ASOGIRENGTA IYAREGA KEDUDUKATTA OKKO TAUE

Iyeko tumatena denagaga isesa, isalai maneng iyero warammparangnge sibawa iyeero pangka’e,siagi siagi eganna warangparang degaga mancio sibawa idi lao mate tapi lette manengmi okko taue.

Bene nomoro dua iyanaritu KELUARGATA

Namo maga sipojitta sibaawa keluargata,denamungking nasibawakki lao aherat,,paling mabelani nantaraki lao kibburu’e.

Bene nomoro siddi iyanaritu Amalatta

Amalanami bawang taue mancirolai konri konri lao termasuk lao ahera,amalanamitu taue tolongngi matu okko ahera,

Jadi takkalai tu tuo opa pakessengi amalatta sibawa aja nengka tamasiri mampigau amala,tatolongi padatta rupa tau,namomaga biccuna pabbereta okko taue iyeko napparellua laddei makato loppo  angkenna okko laena.Jaji  pada ipakessingi manengni amalatta takkalai engka opa umuru yappunai..

4 BENE IN IDONESIAN

4 BENE IN ENGLISH

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s